ضلع کچھی میں موبائل اور انٹرنیٹ سروس شدید متاثر، پی ٹی سی ایل کی بدترین کارکردگی پر عوام سراپا احتجاج

بولان(آوازٹائمز)ضلع کچھی میں موبائل اور انٹرنیٹ سروس کی بدترین صورتحال عوام پریشان پی ٹی سی ایل انٹرنیٹ چیونٹی کی رفتار پر کاروبار اور تعلیمی سرگرمیاں شدید متاثر کچھی کے سیاسی سماجی اور عوامی حلقوں نے علاقے میں موبائل فون اور پاکستان ٹیلی کمیونیکیشن کمپنی لمیٹڈ (PTCL) کی انٹرنیٹ سروسز کی بدترین کارکردگی پر شدید تشویش کا اظہار کیا ہے عوامی حلقوں نے محکمہ پی ٹی سی ایل کے اعلی حکام سے فوری نوٹس اور سروس کو بہتر بنانے کے لیے سخت اقدامات کا مطالبہ کیا ہیعلاقے کے متاثرہ کا کہنا ہے کہ ضلع کچھی کے بڑے علاقوں بشمول مچھ ڈھاڈر اور بھاگ میں پی ٹی سی ایل کی انٹرنیٹ سروس کی رفتار چیونٹی کے چلنے کے مترادف ہے علاقے کے مکینوں کا کہنا ہے کہ اس غیر تسلی بخش اور سست رفتار انٹرنیٹ سروس کی وجہ سے روزمرہ کے تمام امور بری طرح متاثر ہو رہے ہیں اور پورے ضلع کو لاکھوں کا نقصان ہو رہا ہے انٹرنیٹ کی سست روی سے سب سے زیادہ کاروباری حضرات طلبا و طالبات اور آن لائن کام کرنے والے مکتبہ فکر سے تعلق رکھنے والے افراد متاثر ہیں اس دور جدید میں آن لائن تعلیم اور ریسرچ کے لیے انٹرنیٹ ناگزیر ہے مگر سست سروس کی وجہ سے طلبا کو اپنی تعلیمی سرگرمیوں میں شدید مشکلات کا سامنا ہے ای بینکنگ آن لائن لین دین اور رابطوں میں طویل تاخیر کی وجہ سیمقامی کاروبار کو بھاری نقصان اٹھانا پڑ رہا ہے کچھی کے سیاسی و سماجی اور عوامی حلقوں کے رہنماں نے پی ٹی سی ایل کے حکام بالا سے مطالبہ کیا ہے کہ وہ فوری طور پر معاملے کا نوٹس لیں اور مچھ، ڈھاڈر اور بھاگ سمیت ضلع کے تمام متاثرہ علاقوں میں انٹرنیٹ کے انفراسٹرکچر کو جدید بنائیں شہریوں کو بلز کی ادائیگی کے مطابق تیز رفتار اور قابلِ اعتماد انٹرنیٹ سروس فراہم کی جائے تاکہ علاقے کے عوام کو اس پریشانی سے نجات مل سکے