میزئی اڈہ (نامہ نگار)عوامی خدمت اور مسائل کے حل کے لیے ڈپٹی کمشنر قلعہ عبداللہ محمد ریاض خان کی قیادت میں ایک اہم اجلاس منعقد ہوا، جس میں تمام سرکاری محکموں کے افسران نے شرکت کی۔ اجلاس میں عوامی بہبود کے حوالے سے مختلف امور پر تبادلہ خیال کیا گیا اور تمام محکموں کو عوامی مسائل کے حل کے لیے مزید موثر اقدامات کرنے کی ہدایات دی گئیں۔ڈپٹی کمشنر قلعہ عبداللہ محمد ریاض خان نے اجلاس سے خطاب کرتے ہوئے کہا کہ تمام سرکاری افسران اپنی ذمہ داریوں کو دیانت داری سے ادا کریں اور عوام کی خدمت کو اولین ترجیح دیں۔ انہوں نے کہا، ہم عوام کے خادم ہیں اور ان کی بلاتفریق خدمت کرنا ہمارا قومی اور اخلاقی فرض ہے۔انہوں نے محکموں پر زور دیا کہ وہ عوامی مسائل کو حل کرنے کے لیے دن رات محنت کریں اور تمام وسائل کو بروئے کار لائیں۔اجلاس میں مختلف محکموں کی کارکردگی کا جائزہ لیا گیا اور موجودہ مسائل کے حل کے لیے جامع حکمت عملی ترتیب دی گئی۔ ڈپٹی کمشنر نے افسران کو تاکید کی کہ وہ عوامی شکایات کے فوری ازالے کے لیے تمام ممکنہ اقدامات کریں۔ انہوں نے کہا کہ ضلع قلعہ عبداللہ میں ترقیاتی منصوبوں کو تیز کیا جائے اور عوام کو بنیادی سہولیات کی فراہمی یقینی بنائی جائے۔انہوں نے تمام افسران کو ہدایت کی کہ وہ عوامی خدمت کے جذبے سے سرشار ہو کر کام کریں اور تمام محکمے آپس میں مربوط رابطے کو فروغ دیں تاکہ مسائل کو جلد از جلد حل کیا جا سکے۔ اجلاس میں صحت، تعلیم، پانی کی فراہمی، صفائی اور دیگر اہم شعبوں میں موجود مسائل پر بھی تفصیلی گفتگو کی گئی اور ان کے حل کے لیے ٹھوس اقدامات پر زور دیا گیا۔ڈپٹی کمشنر قلعہ عبداللہ محمد ریاض خان نے کہا کہ عوام ہم سے بڑی توقعات رکھتے ہیں اور ان کی امیدوں پر پورا اترنا ہمارا فرض ہے۔ سرکاری افسران اپنی کارکردگی کو مزید بہتر کریں اور عوام کو یہ یقین دلائیں کہ حکومت ان کے مسائل کے حل کے لیے سنجیدہ اور عملی اقدامات کر رہی ہے۔اجلاس کے آخر میں تمام افسران نے اس عزم کا اظہار کیا کہ وہ ڈپٹی کمشنر کی قیادت میں ضلع قلعہ عبداللہ کو ایک مثالی ضلع بنانے کے لیے اپنی تمام تر توانائیاں صرف کریں گے۔ عوامی مسائل کے حل کے لیے یہ اجلاس ایک اہم قدم ثابت ہوگا، جس کے مثبت نتائج جلد عوام کے سامنے آئیں گے۔
روزنامہ آواز ٹائمز قلعہ عبداللہ
