اسلام آباد(آوازٹائمز) اسپیکر قومی اسمبلی سردار ایاز صادق نے چیف آف آرمی اسٹاف، فیلڈ مارشل سید عاصم منیر کو ملک کے پہلے چیف آف ڈیفنس فورسز کے عہدہ پر تعیناتی پر مبارکباد پیش کی اور فیلڈ مارشل سید عاصم منیر کیلئے نیک خواہشات کا اظہارکیا۔سپیکر قومی اسمبلی سردار ایاز صادق نے کہا کہ فیلڈ مارشل سید عاصم منیر کی بطور چیف آف ڈیفنس فورسز تعیناتی خوش آئند ہے، فیلڈ مارشل سید عاصم منیر کی بطور چیف آف ڈیفنس فورسز تعیناتی ان کی قائدانہ صلاحیتوں کا مظہر ہے، بھارت کے ساتھ جنگ کے دوران فیلڈ مارشل سید عاصم منیر نے نہایت جراتمندانہ فیصلے کیے، چیف آف ڈیفنس فورسز فیلڈ مارشل سید عاصم منیر کی کمان میں پاک افواج نے بھارتی جارحیت کا منہ توڑ جواب دیا۔انہوں نے مزید کہا کہ قوم کو فیلڈ مارشل سید عاصم منیر کی جرات و بہادری پر فخر ہے، فیلڈ مارشل سید عاصم منیر کی قیادت میں مسلح افواج نے عالمی سطح پر پاکستان کا نام روشن کیا، چیف آف ڈیفنس فورسز سید عاصم منیر کی قیادت میں بری، بحری اور فضائی افواج کے مابین ہم آہنگی مزید بہتر ہوگی، پاکستان کی مسلح افواج نے علاقائی اور بین الاقوامی سطح پر اپنی پیشہ ورانہ صلاحیتوں کا لوہا منوایا ہے۔ سردار ایاز صادق کا کہنا تھا کہ چیف آف ڈیفنس فورسز کی قیادت میں مسلح افواج نے دہشتگردی کے ناسور کے خاتمے کے لیے مؤثر کارروائیاں کیں، فیلڈ مارشل سید عاصم منیر کی بطور چیف آف ڈیفنس فورسز تعیناتی ملک کے لیے نیک شگون ثابت ہوگی۔دوسری جانب اسپیکر قومی اسمبلی سردار ایاز صادق نے ائیر چیف ظہیر بابر سدھو کی مدت ملازمت میں توسیع پر بھی انہیں بھی مبارکباد دی اور کہا کہ ظہیر بابر سدھو کی سربراہی میں پاک فضائیہ نے بھارتی جارحیت کا دنداں شکن جواب دیا،دنیا پاک فضائیہ کی پیشہ ورانہ صلاحیتوں کی معترف ہے، اسپیکر قومی اسمبلی کا سربراہ پاک فضائیہ ظہیر بابر سدھو کیلئے بھی نیک خواہشات کا اظہار
