وزیرداخلہ محسن نقوی سے کینیڈا کی وزیر خارجہ کی ملاقات،تعاون کے فروغ کے ایم اویو پر جلد دستخط پر اتفاق

اسلام آباد(ڈیلی آوازٹائمز) کینیڈا کی وزیر خارجہ انیتا آنند کی وزارت داخلہ آمدہوئی جہاں انہوں نے وفاقی وزیرداخلہ محسن نقوی سے ملاقات کی۔ ملاقات میں پاک کینیڈا تعلقات، تجارت، سکیورٹی اور باہمی روابط بڑھانے پر تبادلہ خیال کیا گیا۔ملاقات میں دونوں وزراء نے دوطرفہ تعاون کو فروغ دینے کے لیے ایم او یو پر جلد دستخط کرنے پر اتفاق کیا۔ملاقات میں غیرقانونی امیگریشن، انسانی سمگلنگ، سائبر کرائمز کی روک تھام کیلئے اشتراک کار پر بھی گفتگو کی گئی اور قانون نافذ کرنے اداروں کے افسران کی ٹریننگ و ایکسچینج پروگرام پر تبادلہ خیال ہوا۔ملاقات میں خطے کی تازہ ترین صورتحال پر بھی تبادلہ خیال کیا گیا۔ محسن نقوی نے کہا کہ پاکستان کینڈا کے ساتھ تعلقات کو تمام شعبوں میں فروغ دینا چاہتا ہے۔پاکستانی کمیونٹی دونوں ممالک کی ترقی میں فعال کردار ادا کر رہی ہے۔وزیر مملکت طلال چوہدری نے کہا کہ کینیڈا کے ساتھ مشترکہ مفادات کے شعبوں میں اشتراک بڑھانے کے معاہدے سے دوطرفہ تعلقات کو فروغ ملے گا۔ کینیڈین وزیر خارجہ نے کہا کہ پاکستان کے ساتھ تعلقات کو اہمیت دیتے ہیں۔دوطرفہ تعلقات کو فروغ دینے کے خواہاں ہیں۔باہمی تعاون کو فروغ دینے کے لیے فریم ورک مرتب کیا جانا چاہیے۔وزیر مملکت داخلہ طلال چوہدری، کینیڈین ہائی کمشنر، ڈی جی ایف آئی اے، ایڈیشنل سیکرٹریز داخلہ اور اعلی حکام بھی اس موقع پر موجود تھے