وزیر اعلی بلوچستان کی قیادت میں صوبے کی ترقی کی مثال ماضی میں نہیں ملتی،ترجمان وزیراعلیٰ

کوئٹہ(روزنامہ آواز ٹائمز) وزیراعلیٰ بلوچستان کے ترجمان بابر یوسف زئی نے کہاہے کہ وزیر اعلی بلوچستان کی قیادت میں صوبے کی ترقی کی مثال ماضی میں نہیں ملتی ایک جامع حکمت عملی اور مکینزم کے ساتھ صوبے کو ترقی و خوشحالی کی راہ پر گامزن کر رکھا ہے کسی بھی معاشرے کی تعمیر وترقی اور قیام امن تعلیم کے بغیر ممکن نہیں اور بلوچستان کے بچوں کو حصول تعلیم کے یکساں مواقع فراہم کرنے صوبائی حکومت محکمہ تعلیم کو جدید خطوط پر استوار کررہی ہے،وزیراعلیٰ بلوچستان میرعبدالقدوس بزنجو کی قیادت میں صوبائی حکومت اور افواج پاکستان بلوچستان میں ترقیاتی منصوبوں کے ذریعے خوشحالی لا کر بلوچستان کے عام شہریوں کا معیار زندگی بہتر بنانے کے لئے دن رات کوشاں ہیں ان خیالات کااظہار انہوں نے اپنے دفتر میں مختلف وفود سے بات چیت کرتے ہوئے کیا۔ بابر یوسف زئی نے کہاکہ کسی بھی معاشرے کی تعمیر وترقی اور قیام امن تعلیم کے بغیر ممکن نہیں اور بلوچستان کے بچوں کو حصول تعلیم کے یکساں مواقع فراہم کرنے صوبائی حکومت محکمہ تعلیم کو جدید خطوط پر استوار کررہی ہے،انہوں نے کہاکہ بلوچستان معدنیات اور قدرتی وسائل سے مالا مال ہونے کے ساتھ پاکستان کی معاشی ترقی اور تجارت کا مرکز بھی ہے۔ بلوچستان کو قدرت نے محنتی اور جفاکش شہریوں سے بھی نوازا ہے جو پاکستان کا اثاثہ ہیں۔وزیراعلیٰ بلوچستان میرعبدالقدوس بزنجو کی قیادت میں صوبائی حکومت اور افواج پاکستان بلوچستان میں ترقیاتی منصوبوں کے ذریعے خوشحالی لا کر بلوچستان کے عام شہریوں کا معیار زندگی بہتر بنانے کے لئے دن رات کوشاں ہیں۔ انہوں نے کہاکہ گوادر خطے میں اقتصادی اور ترقیاتی سرگرمیوں کا محور بن رہاہے جس سے نہ صرف پاکستان اوربالخصوص بلوچستان کو فائدہ ہوگا بلکہ وسطی ایشیا سمیت علاقائی ممالک کے لئے بھی وسیع تر تجارتی مواقع پیدا ہوں گے،گوادرپورٹ، ریکوڈک منصوبے سمیت دیگر سے بلوچستان میں غیر ملکی سرمایہ کاروں کو تجارتی مواقعوں کی فراہمی کے ساتھ روزگارکے مواقع پیداہونگے،صوبائی حکومت کی کوشش ہے کہ ترقی کے عمل میں صوبے کے تمام علاقوں کو ساتھ لے کر چلیں۔