اسلام آباد(آوازٹائمز) ساؤتھ ایشیا جرنلسٹس فیڈریشن (SAJF)کی جانب سے نرسنگدی کے علاقے مادھبدی میں ڈریم ہالیڈے پارک کے سامنے پیر کی شام بنگلہ دیش کرائم رپورٹرز ایسوسی ایشن کے اراکین پر ہونے والے بہیمانہ حملے کی سخت ترین الفاظ میں مذمت، جس میں کم از کم دس صحافی زخمی ہو گئے۔ زخمی ہونے والوں میں صحافی شاہد، محسن، سخاوت کوثر اورایسوسی ایشن کے عملے کے رکن لال شامل ہیں۔مقامی پولیس اور عینی شاہدین کے مطابق،ایسوسی ایشن کے اراکین فیملی ڈے پروگرام سے واپسی پر تھے کہ مقامی شرپسندوں کے ایک گروہ نے پارک کی گئی بسوں سے زبردستی رقم کا مطالبہ کیا۔ جب صحافیوں نے اس غیر قانونی مطالبے پر سوال اٹھایا تو جھگڑا شروع ہو گیا، جس کے دوران حملہ ْآوروں نے حملہ کر دیا جس کے نتیجے میں متعدد صحافی زخمی ہو گئے۔ ابتدائی اطلاعات کے مطابق موقع پر دو افراد کو حراست میں لیا گیا، جبکہ بعد ازاں تحقیقات کے دوران پولیس نے مزید مشتبہ افراد کی نشاندہی کر کے انہیں گرفتار کرلیا۔SAJF کے صدر گیتارتھ پاٹھک نے کہا:“صحافیوں پر حملے دراصل ْآزادی صحافت اور معاشرے کے حقِ جاننے پر حملے ہیں۔ ہم فوری، شفاف اور غیر جانبدارانہ تحقیقات، تمام مجرموں کی فوری گرفتاری اور ان کے خلاف قانونی کارروائی، زخمی صحافیوں کے لیے مناسب طبی سہولیات اور معاوضیاور اس بات کی ضمانت کا مطالبہ کرتے ہیں کہ صحافی بغیر کسی خوف کے عوامی مقامات پر کام اور اجتماعات میں شرکت کر سکیں۔”SAJF کے سیکریٹری جنرل شکیل احمد نے کہاکہ“یہ واقعہ اس سنگین خطرے کو بے نقاب کرتا ہے جس کا سامنا صحافیوں کو حتیٰ کہ پرامن اور غیر رپورٹنگ تقریبات میں شرکت کے دوران بھی کرنا پڑتا ہے۔ حکام کو جوابدہی یقینی بنانی چاہیے اور ایسے حملوں کی روک تھام کے لیے مؤثر اقدامات کرنے چاہئیں، جن میں ان مجرمانہ بھتہ خور نیٹ ورکس کا خاتمہ بھی شامل ہے جو صحافیوں اور عوامی مقامات کو نشانہ بناتے ہیں، تاکہ ْآئندہ ایسے واقعات دوبارہ نہ ہوں۔”SAJF حکومتِ بنگلہ دیش، وزارتِ داخلہ، قانون نافذ کرنے والے اداروں اور مقامی انتظامیہ سے مطالبہ کرتی ہے کہ فوری، جامع اور شفاف تحقیقات کی جائیں اور متاثرین کی سلامتی یقینی بنائی جائے۔ذمہ دار تمام افراد کو گرفتار کر کے متعلقہ فوجداری قوانین کے تحت مقدمات چلائے جائیں۔زخمی صحافیوں کو فوری طبی امداد، بحالی اور معاوضہ فراہم کیا جائے۔صحافیوں اور عوام کی سلامتی کو خطرے میں ڈالنے والے مقامی بھتہ خور یا مجرمانہ گروہوں کی نشاندہی کر کے انہیں ختم کیا جائے۔SAJF میڈیا اداروں، صحافتی تنظیموں اور پریس کونسلز سے بھی اپیل کرتی ہے کہ وہ زخمی صحافیوں اور ان کے اہلِ خانہ کی مدد کے لیے باہمی تعاون کریں اور عوامی تقریبات میں صحافیوں کے تحفظ کے لیے مستقل اور مؤثر اقدامات پر زور دیں
