وزارت مذہبی امور نے حج کوٹہ سعودی عرب کو واپس کرنے سے متعلق اطلاعات مسترد کردی

اسلام آباد(روزنامہ آواز ٹائمز) وزارت مذہبی امور نے حج کوٹہ سعودی عرب کو واپس کرنے سے متعلق اطلاعات مسترد کردی، رواں ہفتے کے آخر تک چالیس ملین ڈالر مزید سعودی عرب بھجوا دئیے جائیں گے۔وزارت مذہبی امور کے مطابق حج اخراجات کے لیے درکار 213 ملین ڈالر کی سعودی عرب کو ادائیگی کا عمل شروع ہو گیا ہے 63 ملین ڈالر کی آخری قسط وزارت خزانہ مئی کے آخر تک سعودی عرب بھیجوا دے گی۔وزارت کے مطابق دو سو تیرہ ملین ڈالر میں سے پچاس ملین ڈالر سعودی عرب بھی جا چکے ہیں۔ رواں ہفتے کے آخر تک چالیس ملین ڈالر مزید سعودی عرب بھجوا دئیے جائیں گے۔وزارت مذہبی امور کا کہنا ہے کہ مئی کے وسط میں 60 ملین ڈالر سعودی عرب جائیں گے۔